Sa wala pa ang ilang showbiz career, nasayod ka ba nga nisukol sila kaniadto sa mga international sports competition dala ang bandera sa Pilipinas? Basaha ang ilang “winning moments” ug unsa nga sporting event ang ilang gidominar sa ilang panahon.
ENCHONG DEE
Si Enchong mihakot og 7 golds atol sa 72nd UAAP Swimming Championship.
Usa siya sa mga nangulo sa Philippine national team nga ni-compete sa 2005, 2007 ug 2009 Southeast Asian Games ug ingon man sa 2006 Doha Asian Games diin siya maoy 2nd placer. / Facebook
ANGEL LOCSIN
Sa edad nga 14, si Angel nahimong sakop sa UST high school varsity swimming team. Siya ang naghupot kaniadto sa swimming record sa National Capital Region sa breast stroke.
Sakop siya sa Philippine team nga ni-compete sa Hong Kong. Ang iya usab papa ang 1954 Asian Games gold medalist sa 4x200 meter freestyle. / Facebook
JOSE PADILLA JR.
Si Jose parehong niaway sa 1932 Summer Olympics sa Amerika ug 1936 Summer Olympics sa Germany isip lightweight boxer. Samtang mokabat sa 100 ka mga pelikula ang iyang nahimo gikan 1931 to 1974. Ang iyang papa nga si Jose Padilla Sr. igsuon nilang Carlos Padilla (lolo ni ZsaZsa Padilla) ug Roy Padilla (amahan nilang Robin, Rommel ug Rustom). / Wikipedia, boxrec.com
ASHLEY ORTEGA
Bata pa lang si Ashley kanunay na’ng modaug sa figure skating competitions sa abroad. Sa 2008 Skate Asia sa Malaysia nihakot siya og walo ka gold medals, duha ka silver ug usa ka bronze. Apan karon mas gitutokan niya ang showbiz isip Sparkle GMA artist. / Instagram
FREDDIE WEBB
Si Webb ang usa sa mga pambato sa Philippine national basketball team nga nikombati sa 1972 Munich Summer Olympics.
Lakip sa iyang mga nakauban silang Bogs Adornado ug anhing Yoyong Martires.
Sa kasaysayan sa Pilipinas, sila ang katapusang basketball team nga nakaapil sa Olympics. / Wikipedia
ONYOK VELASCO
Ang kadaugan ni Onyok sa 1996 Summer Olympics sa Barcelona isip boxing silver medalist ang nagbukas niya og oportunidad sa showbiz. Ang iyang kinabuhi ug boxing career gihimoan og pelikula sa 1997 film “The Onyok Velasco Story” diin siya usab ang nidala. / Facebook
MIKEE COJUANGCO
Sa Mikee unang niapil sa international competition sa Equestrian sa edad nga 16 sa Japan diin siya maoy third placer. Paglabay sa upat katuig, gilusad siya sa Viva Films sa 1994 romantic drama nga “Forever” with Aga Muhlach. Si Mikee ang gold medalist sa jumping event sa 2002 Asian Games sa Busan, South Korea. / Instagram