Ciar: Mga Pinoy aktor nga sayo nailo sa inahan

Super Ka!
Ciar: Mga Pinoy aktor nga sayo nailo sa inahan

Tan-awa ang mga hulagway sa mga artista sa bata pa kauban ang ilang mga nanay sa buhi pa. Kinsay magdahum nga ingon ana na sila kaasenso ug kasikat karon? Hina­ot ang ilang istorya magsilbing inspiras­yon sa tanang a­nak nga wa­lay imposible basta mag­tarong lang ug ma­ningka­mot. Make your Nanay proud! Happy Mother’s Day!

JUAN KARLOS “JK” LABAJO

Ang Cebuano singer-aktor na­tawo ug nidako sa Consolacion, Cebu. Ang iyang German dad nibiya masuso pa lang si JK. Ang iyang Mama Maylinda Labajo namatay sa pancreatic cancer pila ka adlaw sa wala pa ang audition niya sa The Voice Kids sa edad nga 12. Kon buhi pa lang ang iyang mama, siguradong way kabutangan ang kalipay niini. / Litrato sa Tiktok

RYZA CENON

Tres anyos si Ryza dihang nitaliwan ang iyang mama Rosanna Simbulan niadtong 1991 tungod sa cancer. Si Ryza ang 2004 Ultimate Female Survivor sa Starstruck Season 2. Dihang nag-tres anyos ang anak ni Ryza, ilang gibisita ang lubong sa iyang mama aron magpasalamat. / Litrato sa Facebook

BIANCA UMALI

Ang mama ni Bianca namatay sa breast cancer niadtong 2005 dihang 5 anyos lang ang aktres. Samtang ang iyang papa nipanaw sa heart attack niadtong Mayo 8, 2010 nga mao say petsa sa birthday sa iyang mama. Mao nga halandumon kaayo ni Bianca ang Mayo 8./ Litrato sa GMA

IZA CALZADO

Ang mama ni Iza Calzado namatay niadtong 2001 dihang nagpanuigon og 19 ang Kapuso actress. Apan dili tinuod nga cancer ang namatyan niini. Sa 2019 interview sa ANC sa ABS-CBN ug sa She Talks Asia sa unang higa­yon gibutyag ni Iza nga naghikog ang iyang mama nga may bipolar disorder tungod sa depression./ Litrato sa ABSCBN.com

SERENA DALRYMPLE

Ang Amerikanong papa ni Serena namatay sa heart attack niadtong 1995 dihang 5 anyos lang ang aktres. Samtang ang iyang mama nitaliwan sa pneumonia pag-2000. Si Serena nanganak sa unang baby nila sa iyang American husband niadtong Abril. / Litrato sa Kami.com

ALDEN RICHARDS

Ang damgo sa Pambansang Bae nga mahimong piloto apan mas gisunod niya ang gusto sa iyang namatay nga inahan nga mahimo siyang artista. Si Alden 16 anyos dihang nabugtoan sa kinabuhi ang iyang mama sa pneumonia. Si Alden ang usa sa mga highest paid actor karon sa Pilipinas. / Litrato sa trendingpedia.blogspot

KIM CHIU

Otso anyos si Kim dihang nagbuwag ang iyang mga ginikanan. Sa tinguhang makatabang sa pamilya, ni-audition si Kim sa unang Pinoy Big Brother Teen edition niadtong 2006 diin siya maoy nidaug. Ang iyang mama nipanaw sa brain aneurysm niadtong 2013. Gi-post ni Kim kining litrato nila sa iyang mama sa miaging Mother’s Day isip yukbo./ Instagram

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph