Ciar: OPM hits nga made in Japan?

Super ka!
Ciar: OPM hits nga made in Japan?

Nasayod ka ba nga daghan sa classic Pinoy hits kinopya ra ang tono sa Japanese songs ug dili gyud Original Pilipino Music? Nia ang pipila sa maong mga awit ug ang ori­ginal version nga ma­kita sa YouTube ug ubang social media platforms.

BAWAT BATA sa Apo Hiking Society (1980) nga ang tono gikan diay sa kantang “Every Child Has A Beautiful Name” sa Japanese rock band nga “Godiego” niadtong 1979.

REMEMBER ME ni Renz Verano (1999) nga Tagalog version sa Japanese song nga dunay susamang taytul nga gipasikat sa bandang “Tube” niadtong 1988.

ISANG TANONG, ISANG SAGOT ni Donna Cruz (1997) nga ang melodiya kinopya ra diay sa “Monatsu no kajitsu” sa Japanese rock band nga “Sou­thern All Stars” niadtong 1990.

NAIS KO ni Miguel Vera (1991) nga dili sab original kundi kinopya sa “Goodbye Day” nga gikanta sa Ja­panese singer-songwriter, Takao Kisugi niadtong 1981. Si Vera ang kanhi asawa ni AiAi delas Alas.

LUMAYO KA MAN SA AKIN ni Rodel Naval (1991) gikan sa kantang “Single Again” nga unang gi-record ni Mariya Takeuchi niadtong 1989.

SANAY LAGING MAGKAPILING ni April Boy Regino (1994) nga ang tono gikan sa Japanese song nga “Kanpai” (cheers) ni Tuyoshi Nagabuchi niadtong 1980.

HONEY MY LOVE SO SWEET sa April Boys (1996) nga Tagalog version sa kantang “Itoshi no Ellie” sa Japanese rock band “Sou­thern All Stars” niadtong 1979.

IKAW PA RIN ug MAGHIN­TAY KA LAMANG ni Ted Ito (1990) parehong cover ni­ya sa Japan. Ang Ikaw Pa Rin sa “Saigono Iiwake” ni Hidea­ki Tokunaga samtang ang Mag­hintay Ka Lamang sa “Deep Sky” sa grupong “Friends.”

ITANGGI MO ni Sharon Cuneta (1981) gikan sa Japanese song nga “Kaibito Yo” (My Dear) ni Mayumi Itsuwa niadtong 1980.

DI KO NA MAPIPI­GI­LAN sa Sexbomb Girls (2002) gikan sa Japanese dance hit nga “Stop The Music” nga gikanta sa `90s J-pop star, Namie Amuro niadtong 1995.

WE BELONG ni Toni Gonzaga (2006) nga gikan sa Japa­nese song nga “First Love” ni Utada Hikaro niadtong 1999. Aduna say cover niini si Jessa Zaragoza nga First Love sab ang ulohan niadtong 2000.

UNA AT HULING MAMAHALIN ni Louie Heredia (1996) gikan sa kantang “Koi ni Ochite (Fall in Love) ni Akiko Kobayashi niadtong 1985.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph