Ciar: Pinoy hits nga kinopya ra diay

Super Ka!
Ciar: Pinoy hits nga kinopya ra diay

Nia ang ikaduhang hugna sa mga sikat nga gituohan natong Original Pilipino Music apan kinopya diay o adaptation sa foreign songs. I-google ning mga kan­taha aron inyong masuta.

GULONG NG PALAD (Eugene Villaluz)

Una ning gi-record ni Eugene Villaluz niadtong 1977 isip theme song sa TV series nga dunay susamang ulohan. Ang lyricist mao ang Cebuano director Marcial Sanson. Apan ang tono gikuha sa “L’Amour D’Aimer” nga theme song sa 1975 French film nga Emmanuelle 2.

SAYANG (Claire dela Fuente)

Dihang namatay si Claire dela Fuente niadtong 2021, nigawas ang 1976 video sa original version niini nga “Kau Membuat Ku Gembira (You Make Me Happy) sa Malaysian singer Sharifah Aini. Ang “Sayang” mao ang unang hit song ni Claire niadtong 1978.

MEMORIES OF OUR DREAMS (Eddie Peregrina)

Ang 1970 classic hit ni Eddie Peregrina nga “Memories of our Dreams” adaptation sa Japanese song nga “Yume Wa Yoru Hiraku” (Dream opens at night) ni Keiko Fuji. Aduna nay mga naunang version niini niadtong 1966 apan ang kang Keiko Fuji maoy nisikat.

ARAY (Mae Rivera)

Dihang niuso ang mga double meaning nga kanta niadtong tuig 2000, usa sa mga kinaham ang “Aray” ni Mae Rivera. Ang maong awit gikan sa “Hurt” ni American singer Roy Hamilton niadtong 1954. Nahimo sab ning signature hit ni Timmy Yuro niadtong 1961.

PAANO ANG PUSO KO (April Boy Regino)

Ang “Paano Ang Puso Ko” mao ang Tagalog version sa 1970 classic hit nga “What Am I Living For” ni Eddie Peregrina. Apan ang original gyud ani ang American singer nga si Chuck Willis nga nag-No. 1 sa Amerika niadtong 1958.

IKAW ANG TRUE LOVE KO (Sheryl Cruz)

Ang 1991 hit nga “Ikaw Ang True Love Ko” ni Sheryl Cruz dili sab matawag nga OPM kay adaptation ra ni sa kantang “First Love” sa American singer-songwriter nga si Nikka Costa niadtong 1983.

HUMANAP KA NG PANGET (Andrew E)

Wala hinuon moangkon si Andrew E nga kinopya ang “Humanap ka ng Panget” (1990) sa “Find An Ugly Woman” (1988) sa American Hiphop duo nga DJ Cash Money & Marvelous apan daghan ni og similaridad. Ang iyang “Andrew Ford Medina” (1991) pareho sab kaayo sa “Funky Cold Medina” (1989) ni Tone Loc.

MOONLIGHT OVER PARIS (Paolo Santos)

Ang “Moonlight Over Paris” mao ang unang hit single sa acoustic singer nga si Paolo Santos niadtong 2009. Apan ang unang nagpasikat ani ang American band nga “PM” nga gikan sa ilang 1988 self-titled album.

BUTSEKIK (Yoyoy Villame)

Ang 1971 novelty song nga “Butsekik” ni Yoyoy dili sab original kundi adaptation sa 1962 American hit single nga “Baby Cakes” ni Dee Dee Sharp. Mao nga gitawag ni og Butsekik o Buche cake.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph