Karon nga Women’s Month, atong hatagan og yukbo ang pipila sa mga labing gamhanan nga kababayen-an sa Philippine showbiz nga bag-o lang nagsaulog sa ilang pagka-senior citizen.
MELANIE MARQUEZ (Hulyo 16, 1964)
Si 1979 Miss International Melanie Marquez ang simbolo sa “women's empowerment,” dili lang tungod sa iyang kalampusan sa beauty pageant apan tungod sa iyang suporta ngadto sa iyang anak nga si Michelle Dee.
AIAI DELAS ALAS (Nobyembre 11, 1964)
Si AiAi ang laing simbolo sa “women's empowerment” nga bisan sa mga pagsulay ug kapakyasan, padayong nakigbisog alang sa pamilya, ug andam mosugal sa ngalan sa gugma.
JESSICA SOHO (Marso 27, 1964)
Single man tuod sa edad nga 60 apan lisod hitupngan ang nahimo ni Jessica sa pagpanibya, isip usa sa mga labing tinahod nga haligi sa award-winning team sa GMA Public Affairs.
ODETTE QUESADA (Enero 13, 1965)
Wala na tingali makalupig sa usa ka Odette Quesada sa kadaghan niyang OPM hits. Wala pa ni labot sa iyang bana’ng si Bodjie Dasig (Sana Dalawa Ang Puso Ko) nga hitmaker usab sa buhi pa.
ZSAZSA PADILLA (Mayo 28, 1964)
Nakasal sa edad nga 16 niadtong 1980 sa papa ni Karylle ug nahimong hinigugma ni Dolphy sulod sa 20 katuig. Paglabay sa upat ka dekada, apan ang “Divine Diva” wa gyuy paglubad.KORINA SANCHEZ
KORINA SANCHEZ (Oktubre 5, 1964)
Sa kadaghang gilabay nga isyu batok ni Korina kaniadto, ang iyang koneksiyon sa masa tataw nga naa gihapon. Ang lig-on niyang karakter ug abilidad sa pagresolba maoy iyang tatak.
MARICEL SORIANO (Pebrero 25, 1965)
Usa ang “Diamond Star” sa showbiz nga luyo sa mga isyu ug eskandalo nagmalungtaron ang career. Si Maricel mao na lang ang buhi sa cast sa 1973 hit sitcom nga “John en Marsha.”
SHAMAINE BUENCAMINO (Pebrero 28, 1965)
Si Shamaine ang simbolo sa kaisog sa kababayen-an. Iyang gihimong therapy ang pag-artista, uban sa iyang adbokasiya sa mental health ug teenage suicide, tungod sa nahitabong trahedya sa iyang anak niadtong 2015.
RITA AVILA (Septiyembre 20, 1964)
Usa sa mga dakong unos sa kinabuhi ni Rita dihang nipanaw ang iyang bugtong anak. Apan tungod sa iyang pagsalig sa Ginuo, na-survive niya ang labing sakit nga kasinatian sa iyang kinabuhi. / Mga litrato sa IG, IMDB