Ang beteranang aktres nga si Claudine Barretto na ba ang modala sa role isip Inday Sara Duterte?
Mao man gud kini ang unod sa binayloay og mensahe sa kontrobersiyal nga direktor nga si Darryl Yap ug ni Claudine.
Sa iyang Facebook page, gi-share ni Darryl ang screenshot sa ilang conversation sa Optimum Star.
Makita sa screenshot nga gipangutana sa batan-ong direktor kon andam na ba si Claudine sa role nga Inday Sara.
Ang gipasabot nila ang kasamtangan nga Bise Presidente nga si Sara Duterte tungod sa emoji nga gigamit niini nga green heart ug ang sikat nga Duterte fist.
“OMG!!!! I’m crying thank you Direk,” tubag ni Claudine.
Nga gireplyan sab ni Darryl, “love and miss u!”
“Luv u Direk can’t wait to work with you,” chika sa aktres.
Posible nga giluto na sa direktor ang salida nga kabahin sa mga Duterte. (SuperBalita)