ADUNAY ipahigayon nga city-wide cleanup drive karong Sabado, Hunyo 21, 2025.
Si Acting Mayor Donald "Dondon" Hontiveros sa iyang katapusang termino, niawhag sa tanang mga residente, stakeholders, ug iskolar sa Dakbayan sa Sugbo sa pagsalmot sa maong kalihukan ug nisaad sa padayong suporta sa mga inisyatibo alang sa kalikupan isip pribadong indibiduwal sa umaabot.
“I request the scholars, considering nga daghan kaayo ang scholars, mo-request lang ko og pipila ka assignments as parting gift nako,” matod ni Hontiveros.
Tumong sa inisyatiba ang walo ka krusyal nga suba sa tibuok Dakbayan sa Sugbo; Bulacao River, Tagunol Creek, Kinalumsan River, Guadalupe River, Lahug River, Mahiga River, Butuanon River, ug Estero de Parian.
Si Editha Peros, pangulo sa Cebu City Environment and Natural Resources Office (Ccenro), nipasabot sa kamahinungdanon sa regular cleanup drive nga nakatampo sa pagpagaan sa baha. / Antonette Caren Arrabis, CNU Intern