Gipakita na sa Los Angeles Clippers ang ilang bag-ong mga uniporme ug logo nga ilang gamiton inig balhin nila sa ilang bag-ong balwarte sa sunod season sa National Basketball Association (NBA).
Ang mga kolor sa bag-ong uniporme sa Clippers mao ang naval blue, ember red ug Pacific blue.
Human sa 25 ka mga tuig nga pagpakigbahin sa Los Angeles Lakers sa pagggamit sa Crypto.com Arena (kanhi Staples Center), ang Clippers nakapatukod na og kaugalingon nilang puy-anan nga mao ang Intuit Dome sa Inglewood.
Namaligya na’g sugod ang Clippers sa bag-o nilang uniporme ug logo sa online. / AP