Clippers mituok sa Mavs

PATIK: Si Los Angeles Clippers forward Kawhi Leonard (2) gipahalipayan sa iyang teammate nga si guard Amir Coffey (7) human nakaiskor si Leonard.
PATIK: Si Los Angeles Clippers forward Kawhi Leonard (2) gipahalipayan sa iyang teammate nga si guard Amir Coffey (7) human nakaiskor si Leonard. AP

DALLAS — Hayan miepekto na og sugod ang pagkuha sa Los Angeles Clippers kang James Harden kay sila nidaug bisan wa si Paul George sa ilang kadaugan batok sa Dallas Mavericks 120-111 sa tugkaran mismo sa hosts.

Sa ilang kadaugan, nangulo si Kahwi Leonard sa iyang 30 puntos taliwa sa pagpanghudlat sa Dallas human sila nilabaw og 22 puntos sa hosts.

Niini, ilang nainat ang ilang daog ngadto sa siyam ka sunodsunod nga mga duwa, ning higayuna wa si George tungod sa iyang sakit.

Si Harden nitali og 17 puntos ug 11 ka assists samtang nidugang og 21 si Norman Powell, kinsa nitapak sa haw-ang nga gibiyaan ni Paul George.

Mao kini ang labing taas nilang sunodsunod nga kadaugan human sa ilang 10-game run niadtong 2015-2016 nga season.

Niduwa ang Mavericks nga wa si All-Star Guard Kyrie Irving nga dunay angol sa tuo nga lapa-lapa.

Nitali si Luka Doncic sa iyang ikaunom nga triple double pinaagi sa 30 puntos, 10 ka rebounds ug 10 ka assists.

Sa uwahing bahin sa fourth quarter, usa na lay labaw sa Clippers, si Leonard, kinsa dunay 10 ka rebounds, nipasulod sa iyang lay-up ug ni-assist kang Powel alang sa laing 3 puntos.

Ang five-time All Star ni-dunk ug ni-layup samtang si Doncic nasipyat sa iyang duha ka free throws. Niini, nimugna og 9-0 run ang Clippers nga nihimo sa score nga 120-110 sa nahabiling 52 segundos.

Si Amir Coffey nimugna og 12 puntos sa iyang ikaduhang pasugod sa season, pulos pagpuli kang George.

Si Tim Hardaway Jr. nitali og 21 puntos alang sa Dallas, ug si Derrick Jones Jr. nitampo og 19. / AP

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph