Nagtuo si basketball legend Atoy Co nga wala pa gipanganak ang magduduwa nga posibleng makatupong o makalabaw sa walo ka MVP awards nga nahakot sa Sugboanong higante sa San Miguel Beermen nga si June Mar Fajardo sa Philippine Basketball Association (PBA).
Gani, asoy ni Co nga posibleng dili na gyud kini mahitabo.
“Wala na sigurong lalagpas pa sa ginawa. Mahihirapan,” matod ni Co nga napatik sa Spin.ph.
“It will take many, many years para siguro may lumabas na isang June Mar Fajardo na nagkaroon ng eight MVPs sa PBA. Hindi pa pinapanganak siguro.”
Apan alang ni Fajardo, hugot ang iyang pagtuo nga aduna ra’y makabuak sa iyang rekord.
“Nakakataba ng puso pero tingin ko, may magbe-break din. ‘Yung record, mabe-break at mabe-break talaga ‘yan. Ang tanong kung kailan,” asoy ni Fajardo. / ESL