Ang nagpadayon nga pagparehistro sa mga botante sa Central Visayas misaylo sa gidaghanon sa 150,000 ka mga botante, matod sa usa ka local electoral officer.
Kini nga mga numero naglakip sa tanan nga mga aplikasyon alang sa rehistrasyon sa mga botante nga nadawat sa unang siyam ka semana sukad ang mga rehistrasyon sa mga botante giablihan alang sa 2025 midterm nga mga eleksyon.
Base sa datus ni Spokesperson Omar Sharif Mamalinta sa Commission on Elections (Comelec) Cebu niadtong Dominggo, Abril 14, 2024, niabot na sa 151,880 ka mga aplikasyon ang ilang nadawat, sa pagkakaron.
Matod ni Mamalinta nga kini nga datos mao ang kinatibuk-ang gidaghanon sa mga aplikasyon nga nadawat sugod sa pag-abli sa voter registration niadtong Pebrero 12 hangtod niadtong Sabado, Abril 13.
Sama sa gikataho sa sayo pa, ang Comelec central office sa Manila mipahibalo nga ang voters registration abli hangtod sa Septiyembre 30.
Dugang pa, ang tanang election offices sa tibuok nasod gimanduan sa pagdawat sa mga magparehistro bisan sa Sabado ug holidays, gawas niadtong Marso 28, 29, ug 30, isip pag-obserbar sa Semana Santa.
Niadtong Marso 21, nakadawat na ang Comelec Central Visayas og dili mominus 105,117 ka aplikasyon sa mga botante sulod sa lima ka mga semana nga pagparehistro.
Kini nagpasabot nga sa misunod nga mga semana, ang regional electoral office nakadawat og dugang nga 46,763 ka rehistrasyon.
Ang pinakaulahi nga kinatibuk-ang numero wala magbutyag sa breakdown figure alang sa edad sa mga botante, apan kini nagbutyag nga 75,235 sa nagparehistro mga lalaki, samtang 76,645 ang mga babaye.
Sa tagsa ka rehistrasyon sa tibuok rehiyon, nag-una ang Sugbo nga adunay 102,340 ka naprosesong aplikasyon, gisundan sa Negros Oriental nga adunay 30,967, Bohol nga adunay 16,176, ug Siquijor nga adunay 2,397.
Sa interbyo niadtong Lunes, Abril 15, si Mamalinta niingon nga ang highly-urbanized areas nakadawat og labing daghang voters registrations./ KJF