Napulo ka adlaw sa dili pa ang midterm polls, ang Commission on Elections (Comelec) niadtong Huwebes, Mayo 1, 2025, mitaho nga ang tanang Automated Counting Machines (ACMs) nga gamiton sa Mayo 12 malampusong napakatap.
Sa interbyu atol sa pagpahigayon sa Final Testing and Sealing (FTS) sa ACMs sa Pateros, si Comelec Chairman George Garcia niingon nga ang tanang 93,629 ka ACM anaa na sa ilang lokal nga poll offices.
“Based on our monitoring system, as of today, all the voting machines are already in the possession of the local Comelec,” matod ni Garcia.
Ang Comelec nagsugod sa pagpakatap sa 93,629 ka mga ACM lakip na ang 16,371 ka mga contingency units niadtong Abril 4.
“Some local Comelec officials opted to do it by May 5 so that their entire provinces will simultaneously do the FTS. Anyways, they have until May 7 to hold it,” dugang ni Garcia.
Pagpasabot niini nga gikinahanglan ang FTS aron matino nga andam ang mga ACM alang sa piniliay sa Mayo 12.
“This is the final test that we will conduct. Therefore, they need to pass the liking of the Electoral Board members based on our instructions to them,” si Garcia nagkanayon.
Ubos sa Poll Automation Law, kinahanglang adunay final examination ug testing sa mga VCM nga gamiton sa matag polling precinct.
Human sa final testing ug examination, ang mga VCM kinahanglang siradoan ug selyohan sa Electoral Boards, ug ablihan lang sa adlaw sa piniliay.