Giklaro ni Commission on Elections (Comelec) Chairperson George Garcia niadtong Biyernes, nga ang pagbalik sa rehistrasyon karong Agusto 1 hangtod 10, alang lamang sa first-time voters ug kadtong mga na-deactivate ang ilahang registration.
Kini aron mahatagan sila og kahigayonan nga makabotar sa Barangay and Sangguniang Kabataan Elections (BSKE) sa uwahing bahin karong tuiga.
“With such a short time –their applications might not reach the Election Registration Board (ERB) hearings and even if they applied, their applications might not be approved,” matod niiini nga miklaro nga dili pa nila buksan ang transfer of registration karong Agusto.
Ang mga hearing sa ERB gihimo aron aprubahan o dili aprobahan ang mga aplikasyon alang sa pagrehistro sa mga botante, ug pagtangtang sa mga botante tungod sa kamatayon, kapakyasan sa pagbotar sa duha ka nagsunod nga regular nga eleksyon, ug uban pang mga basehan nga gihatag sa balaod.
Sa samang higayon, malaumon si Garcia nga moabot og usa ka milyon ang magparehistro nga bag-ong mga botante lukop nasod.
“We estimated one million in 11 days, we are still sticking to that. Registration will be done throughout the Philippines,” matod niini.
“We hope that those who have not voted will be interested in registering or reactivating. This is their opportunity to register and vote,” matod sa pangu sa Comelec.
Gikatakda ang BSKE karong Disyembre 1. / PNA