Condo unit sa leaked docu sa drugs gibaligya sa 2012

HEARING: Ang beterana nga aktres nga si Maricel Soriano miatubang sa Senado labot sa leaked nga dokumento nga naglambigit kaniya sa ilegal nga drugas, diin si Presidente Ferdinand Marcos Jr. giapil.
HEARING: Ang beterana nga aktres nga si Maricel Soriano miatubang sa Senado labot sa leaked nga dokumento nga naglambigit kaniya sa ilegal nga drugas, diin si Presidente Ferdinand Marcos Jr. giapil. SENATE VIDEO GRAB

Giangkon sa beteranang aktres nga si Maricel Soriano niadtong Martes, Mayo 7, 2024, nga iyaha kaniadto ang condominium unit sa Makati City nga nabutang sa kontrobersyal nga dokumento nga giingong ni-leak gikan sa Philippine Drug Enforcement Agency (PDEA).

Ang kompirmasyon ni Soriano gihimo atol sa iyang pagtunga sa pagpadayon sa Senate committee on public order and dangerous drugs inquiry sa giingong pag-leak sa confidential information gikan sa PDEA.

“Opo, hanggang 2012 po (it was mine). Nabenta ko na ho ‘yun. Wala na ako dun,” matod pa ni Soriano apan dili na niya mahinumdoman ang eksaktong buwan nga nabaligya ang maong property.

Ang imbestigasyon naggumikan sa giingong pag-leak sa Authority to Operate ug Pre-Operation Report, nga pareho’ng pinetsahan og Marso 11, 2012, nga giingong gi-issue sa PDEA mahitungod sa “grupo sa showbiz ug politically affluent personalities frequently using illegal drugs” sulod sa condominium sa Makati City.

Ang listahan naglakip sa ngalan ni Presidente Ferdinand Marcos Jr.

Atol sa pagdungog sa miaging semana, ang kanhi ahente sa PDEA nga si Jonathan Morales nitestigo sa kalehitimo sa dokumento ug ginganlan si Soriano isip usa sa mga personalidad nga gipakita sa na-leak nga dokumento.

Matod ni Soriano nga wala siya kahibawo sa mga dokumento o rason nganong siya giimbitar sa proceedings.

“Unang-una po hindi ko ho alam ‘yung tungkol sa mga dokumento. Nalaman ko na lang ‘yan nu’ng pinakita sa akin dahil hindi po ako nagbabasa ng mga ganyan. Wala po akong alam,” siya niingon.

“Sa totoo lang po, hindi malinaw sa akin kung bakit ako naimbitahan sa hearing. Nagtataka lang po ako dahil lahat po ng tumestigo dito ay nagsabing hindi na-verify ang impormasyon ni Mr. Morales at walang imbestigasyon na naganap. Pasensya na po kung nalilito po talaga ako dito,” siya nidugang.

Gipanghimakak usab ni Soriano ang mga pangangkon sa iyang mga kanhi katabang sa panimalay nga naggamit siya og cocaine ug giabusohan niya kini, hinungdan nga napasakaan siya og grabeng physical injuries sa mga katabang.

“Umalis po sila kasi ninakawan nila ako, “ matod nila.

Human matubag ang pipila ka mga pangutana, gipapauli na ni committee chairman Senador Ronald Dela Rosa si Soriano, kay nipasalig siya nga hingpit nga mokooperar sa nagpadayong imbestigasyon.

Sa laing bahin, si Senador Jinggoy Estrada nigaling kang Morales, samtang iyang gihangyo nga ilhon ang impormante nga naghatag kaniya og impormasyon nga niresulta sa paghimo sa mga dokumento.

Matod pa ni Morales nga dili na niya mahinumduman ang ngalan sa asset, samtang sigurado siya sa impormasyon nga gipadangat kaniya, nga gisuportahan sa mga litrato. Wa na sab siyay mga kopya sa nanggawas nga mga dokumento.

Matod niya sa mga hulagway, giingong naggamit og powdery substance ang gipanghinganlan nga mga personalidad, bisan og giangkon niya nga wala kini kumpirmadong ilegal nga drugas sanglit kinahanglan nga ipahigayon ang chemical examination aron makumpirma kini.

“Alam mo ikaw Morales nagbabanggit ka ng mga pangalan ng personalidad, ultimo pangalan ng presidente, pangalan ng sikat na artista na wala ka naman ebidensya. Ang sabi mo galing sa informant, ngayon sinasabi mo di mo matandaan? Naninira ka lang ng tao eh,” matod ni Estrada.

Nidumili pa si Morales sa pag-ila bisan sa gender sa asset, nga nagkanayon: “Mahirap kasi kung i-divulge ko po ‘yung kasarian ng confidential informant. Manganib buhay nun.”

Matod usab ni Morales nga human sa iyang unang pagtunga sa Senate inquiry niadtong Abril 30, tulo ka mga tawo ang ningduol kaniya sa tinguha nga “aregluhon” siya ug aron dili na siya motambong sa proceedings.

Matod niya nga ang tulo ka mga tawo nangangkon nga sila gipadala sa usa ka “Liza Marcos” o “LAM” nga giingong ni­saad nga ihatag kaniya ang iyang gusto basta mohunong si­ya sa pagtestigo atubangan sa Senado. / TPM sa SunStar Philippines

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph