Nagtuo si Brgy. Ginebra Gin Kings ug national coach Tim Cone nga sa ugma damlag, mahimong usa ka dekalidad nga basketball coach sa Pilipinas si LA Tenorio.
Si Cone nakasuweto na sab kaayo ni Tenorio gumikan kay iya kining nagiyahan gikan sa Alaska, Ginebra, ngadto sa Gilas Pilipinas.
“He’ll be a great coach because he is a great communicator and great with relationships,” pasabot ni Cone nga napatik sa Spin.ph.
Hinuon, giangkon ni Cone nga usa siya sa mga nasurpresa dihang iyang nasayran nga gitangtang sa San Miguel Corp. si Tenorio isip beteranong pointguard sa Ginebra aron himuong coach sa sister team sa Gin Kings nga mao ang Magnolia Chicken Timplados Hotshots.
Giklaro ni Cone nga nasurpresa siya dili tungod kay wala siya’y salig sa kapabilidad ni Tenorio isip coach.
Gipasabot ni Cone nga nasurpresa siya nga gitangtang sa SMC si Chito Victolero isip coach sa Magnolia. / ESL