Matod ni Gilas Pilipinas coach Tim Cone nga nigamit siya og karaang set play sa Brgy. Ginebra Gin Kings aron mahatagan og lugar si Justin Brownlee sa pag-itsa sa nakapugos og overtime nga three-pointer atol sa ilang kadaugan batok sa Saudi Arabia, 95=88, sa usa ka knockout game sa Fiba Asia Cup niadtong Martes sa kadlawon, Agusto 12, 2025, sa Jeddah, Saudi Arabia.
Gipasabot ni Cone nga nakahukom siya nga gamiton ang maong set play tungod kay nakasuweto na kaayo niini si Brownlee, kinsa maoy resident import sa Ginebra sa Philippine Basketball Association (PBA). / ESL