Ningkombati man tuod ang Gilas Pilipinas sa laing nasod apan naa gihapon sa kanunay ang Filipino fans aron moabiba kanila.
Gipasabot ni Gilas coach Tim Cone nga dako kini og natabang kanila sa ilang kampanya sa nagpadayong 2025 Fiba Asia Cup sa Jeddah, Saudi Arabia.
Gitataw ni Cone nga ang suporta sa Overseas Filipino Workers (OFWs) maoy usa sa mga hinungdan nga naka-rally ang Gilas ug napukan ang host Saudi Arabia pinaagi sa overtime, 95-88, sa knockout game niadtong Martes sa kadlawon, Agusto 12.
“Our crowd really elevates our game,” batbat ni Cone nga napatik sa www.gmanews.tv. / ESL