Nagkauyon ang Minnesota Timberwolves ug si Mike Conley kabahin sa duha ka mga tuig nga contract extension alang sa beteranong pointguard sa National Basketball Association (NBA).
Ang kontrata nagbalor og $21 million ug molanat kini hangtod sa ika-19 nga season ni Conley sa NBA.
Sa iyang paghiabot sa Timberwolves sa miaging season, si Conley nakatabang og dako sa Timberwolves pinaagi sa iyang liderato sa pointguard nga posisyon.
Sa paggiya ni Conley, ang Timberwolves kasamtangang nag-una sa Western Conference dala ang 39-16 nga rekord.