Arvie N. Veloso / Correspondent
Gitahod ni Atty. John Ismael Borgonia ang kondisyon nga gihangyo sa Hunta Probinsyal sa Sugbo nga ipadaplin una ang pag-aprubar sa iyang consultancy appointment on Political and Social Matters sa administrasyon ni Gobernador Pamela Baricuatro.
Gusto sa hunta nga imbitaron si Borgonia sa sunod nga sesyon aron mapasabot sa mga bokal ang kamahinungdanon sa huptan niining posisyon sa kapitolyo.
"I respect the condition imposed upon my former collegues that I need to be present on the next session when they take up the resolution about my consultancy," matod ni Borgonia sa mga tigbalita sa Agusto 12, 2025.
Ang resolusyon nga gipangamahanan ni bokal Raymond Calderon, naghatag og katungod ni Baricuatro nga mopirma'g unom ka buwan nga consultancy contract sa napulo ka mga tawo gikan sa Hulyo 1 hangtod sa Disyembre 31, 2025.
Matod ni Borgonia nga buot una niyang magpakahilom sa maong hisgutanan.
"I choose to remain silent for now about their comments and will speak only if necessary. I choose peace as of the moment," sigon niini. /