Gianunsyo sa Converge FiberXers nga ilang gi-terminate ang kontrata sa Sugboanong si Mac Tallo gumikan sa pagduwa niini sa Sinulog Cup dinhi sa Sugbo di pa lang tantong dugay nga wala mananghid sa team ug hasta sa Philippine Basketball Association (PBA).
Sa usa ka post sa social media, gianunsyo sa Converge nga nakadesisyon sila niini human sa gipahigayon nilang imbestigasyon kabahin sa pagduwa ni Tallo sa Sinulog Cup diin siya ang napiling MVP.
Sa wala pa nagsugod ang PBA Season 48, ang produkto sa Southwerstern University (SWU)-Phinma Cobras mipirma og duha ka mga tuig nga kontrata sa FiberXers nga gituohang molapas sa P7 million ang balor.
Ning bag-uhay lang, gipamulta sa PBA og P100,000 si Tallo tungod sa samang kalapasan.