Posible’ng mag-atubang og problema kon ugaling modaug sa eleksyon sa Mayo 12, 2025, ang nadismiss nga mayor sa Dakbayan sa Mandaue nga si Jonas Cortes tungod sa iyang kaso nga gihukman na sa buhatan sa Ombudsman.
Matod ni Atty. Francisco Pobe nga mamahimong maproklamar si Cortes apan dakong hagit niini kon makalingkod ba siya sa pagka mayor tungod sa hukom sa Ombudsman nga dismissal nga dunay perpetual disqualification.
Kon kining maong isyu dili maresolbar sa kanhi mayor ug kon dili ma reverse, maglisod siya sa paglingkod sa katungdanan.
“So ang kanang issue niya is the basis sa decision sa Ombudsman nga other than I think duha ka kaso man siguro ni. If not mistaken, katong suspension ug katong usa ka dismissal with perpetual disqualification which is na-implement na sa Ombudsman kay ang implications ani na unseat na man siya which is on record diba. So karon ang issue na lang diha is on the issue of the reversal or kon unsay mahitabo sa iyang Ombudsman,” matod ni Pobe.
Nipasabot ang Comelec director human sa nigawas nga report sa usa ka mantalaan nga dili apektado ang kampo ni Cortes sa kandidatura niini bisan sa pagbasura sa Court of Appeals kun CA sa gipangayo niini nga Temporary Restraining Order kon TRO subay sa pagsuspenso kaniya og usa ka tuig tungod sa iyang pagtudlo og officer in charge sa Mandaue City Social Welfare and Development Office nga dili kwalipikado. / AYB