IMBENTARYO: Ang kapulisan miimbentaryo sa shabu nga nasakmit gikan kang Jayson Formanes human sa buy-bust sa Brgy, Calamba, Dakbayan sa Sugbo. Ang iyang giingong  boss naa sa city jail. / TAMPO
IMBENTARYO: Ang kapulisan miimbentaryo sa shabu nga nasakmit gikan kang Jayson Formanes human sa buy-bust sa Brgy, Calamba, Dakbayan sa Sugbo. Ang iyang giingong boss naa sa city jail. / TAMPO

Courier nakuhaan og P4M nga shabu sa buy-bust

Dul-an sa P4 milyunes nga balor sa ilegal nga drugas ang nasakmit sa mga sakop sa Regional Police Drug Enforcement Unit 7 atol sa buy bust sa Sun Valley, Brgy. Calamba, Dakbayan sa Sugbo sa alas 9:30 sa Lunes sa gabii Marso 18, 2024.

Ang suspek giila nga si Jayson Formanes, 30, taga Mahayahay 2, Barangay Calamba, dakbayan sa Sugbo.

Nakuha gikan kaniya ang dagko’ng mga putos sa gituohang shabu nga motimbang og 700 grams nga gibana-bana nga mokantidad og P4,760,000.

Sigun sa usa sa mga operatiba sa RPDEU 7 nga gipaubos nila sa usa ka buwan nga monitoring ang suspek human sila nakadawat og impormasyon labot sa pagpayuhot niini sa ilegal nga drugas.

Giingong makabaligya si Formanes og usa ka kilo nga shabu matag semana diin ang iyang area mao ang tibuok dakbayan sa Sugbo ug mga silingang lungsod ug siyudad sa Metro Cebu.

Ang iyang contact giingong anaa sulod sa Cebu City Jail nga gikataho’ng usa ka dakong drug personality nga maoy momando niya labot sa paghatod sa supply sa ilegal nga drugas.

Duna nay ngalan ang kapulisan sa personalidad ug palawman ang imbestigasyon. / AYB

Related Stories

No stories found.
SunStar Publishing Inc.
www.sunstar.com.ph