Ang Cebu Police Provincial Office (CPPO ) ug Lapu-Lapu City Police Office (LLCPO) maoy napili sa Police Regional Office (PRO 7) nga top-performing police units sa tibuok buwan sa Hulyo sa tibuok Central Visayas subay sa ilang monthly Best Performing Units recognition.
Lakip sa napili mao ang Talisay City Police Station isip Best Component City Police Station.
Samtang ang Consolacion Municipal Police Station ang Best Municipal Police Station-Class A; San Fernando Municipal Police Station ang Best Municipal Police Station–Class B; San Francisco Municipal Police Station ang Best Municipal Police Station–Class C.
Samtang ang Best City Police Station mao ang Waterfront Police Station sa Cebu City Police Office.
Kini nga inisyatiba gipangunahan ni PRO 7 Chief Brigadier General Arnold Abad aron ilhon ang talagsaong nga performance, patas-an ang morale sa matag opisyal, ug palig-onon ang ilang kaayohan alang sa pagsuporta sa 5-Focused Agenda ni PNP Chief Police General Jose Melencio Nartatez Jr. / AYB
