CR sa bus terminals himuon sa Kapitolyo nga hi-tech

Cebu South Bus Terminal
Cebu South Bus Terminal

Pormal na nga nagkasabot ang Kagamhanan sa probinsya sa Sugbo ug Mister Loo Philippines (MLP) aron masugdan ang pagpalambo ug pagmintinar sa mga pansayan sa terminals nga gidumala sa Kapitolyo.

Base sa nasabutan pinaagi sa lease agreement nga gilagdaan, palambuon sa MPL ang mga pansayan sulod sa lima ka tuig gawas kon dunay mahisupak sa lagda sa kontrata.

Ang MPL mao na ang mo­bayad sa tanang gastuhanan lakip ang edipisyo, installation ug operation usab sa mga toilet facilities. Gikinahanglan usab nga may mga staff kini ug kanunay nga limpyo.

Subay niini, ang Kapitolyo gikatakda nga mokolekta sa moabot singko porsyento nga abangan sa kinatibuk-an nga kita sa serbisyo niini.

Sa bag-ong mga pansayan, anaa na sa P10 ngadto sa P20 ang mabayran sa matag pasahero nga mogamit.

Ang tag P10 nga service fee naglangkob sa tech-enabled toilet.

Samtang sa P20 alang sa air-conditioned nga lounge area, may make-up ug breastfeeding area lakip ang char­ging station ug libreng tubig. Gilauman nga masugdan na ang pagtrabaho sa maong mga pa­silidad aron magamit kini sa dili pa ang pagdagsa sa mga pasa­hero alang sa Sinulog 2024.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph