Giinstalar si American Terence Crawford isip No. 1 contender sa World Boxing Organization (WBO) super middleweight division human gibakante niini ang iyang WBO interim junior middleweight title.
Gibuhian ni Crawford ang iyang interim junior middleweight belt isip preparasyon alang sa iyang pag-challenge ni super middleweight undisputed king Mexican superstar Saul “Canelo” Alvarez karong Septiyembre 13, 2025, sa Allegiant Stadium sa Las Vegas, USA.
Si Crawford, kinsa nahimong undisputed champion sa junior welterweight ug welterweight divisions, niangkon sa WBO interim junior middleweight title pinaagi sa paglupig ni Israil Madrimov sa Uzbekistan sa unanimous decision.
Mao kini ang katapusang away ni Crawford, kinsa nakadesisyon nga mosaka og duha ka weight divisions aron lang makontra si Alvarez.
Gipasabot ni Crawford kaniadto nga wala na siya’y nakitang angayan niyang kontrahon sa iyang timbang nga makahagit kaniya maong nagtinguha siyang maaway si Alvarez. / ESL