Opisyal na’ng sugdan ni American Terence Crawford ang iyang tinguha alang sa ikatulo niyang undisputed title sa managlahing weight divisions.
Ning Huwebes, Abril 25, 2024 (PH time), pormal na nga gianunsyo ang labing unang away ni Crawford sa junior middleweight division pinaagi sa usa ka press conference sa Manhattan.
Ning maong tahas, kontrahon ni Crawford si Israil Madrimov sa Uzbekistan alang sa inilugay sa World Boxing Association (WBA) ug World Boxing Organization (WBO) junior middleweight titles karong Agusto 4, 2024 sa BMO Stadium sa Los Angeles.
Mao kini ang magsilbeng unang taytayan ni Crawford alang sa iyang tinguha nga ikatulong undisputed title.
Si Crawford, kinsa nahimong undisputed champion sa welterweight ug junior welterweight divisions, adunay rekord nga 40-0, 31KOs samtang si Madrimov naghupot og 10-0-1, 7KOs nga baraha. / ESL