Gibayaw sa kalipay ang volleyball players sa Creamline Cool Smashers human nila gilupig ang sister team, Choco Mucho Flying Titans, 22-25, 25-20, 29-27, 24-26, 15-12, sa Game 2 sa championship series sa Premier Volleyball League (PVL) All-Filipino Conference niadtong Sabado, Disyembre 16, sa Smart Araneta Coliseum.
Ang Cool Smashers nga nahimo nang 7-time champion, midaog sa ilang tanang 15 ka duwa karon nga conference.
Ang showdown sa sister teams mi-reset sa Philippine indoor volleyball crowd rekord sa Araneta Coliseum ngadto sa makabungog nga 24,458 fans.
Ang Sugbuanong si Sisi Rondina maoy napili nga Most Valuable Player bisan pa man nga napildi ang iyang team nga Choco Mucho.