Nakarehistro og 11 puntos si Jericho Cruz atol sa dakong kapildihan sa Guam batok sa Iran, 77-52, ning Huwebes sa buntag, Agusto 7, 2025 (PH time), sa Fiba Asia Cup sa King Abdullah Sports City sa Jeddah, Saudi Arabia.
Si Cruz, kinsa usa sa mga sakop sa San Miguel Beermen sa Philippine Basketball Association (PBA), usa ka Filipino-Guamanian.
Usa si Cruz sa duha lang ka mga magduduwa sa Guam nga nakamugna og dobleng numero nga puntos.
Ang laing usa mao si Tai Wesley, kinsa nirehistro og 18 puntos.
Si Cruz, kinsa maoy Finals MVP sa niaging PBA Season 49 Philippine Cup, nakatabang og dako aron mapahak sa Guam ang dakong labaw sa Iran ngadto na lang sa 11 puntos, 52-41.
Apan human niini, ningbulhot pagbalik ang opensa sa Iran ug hingpit na niining nadominar ang duwa hangtod sa katapusang gutlo. / ESL