CTU campus moabli sa Borbon

Borbon Map
Borbon Map(File Photo)

Bag-ong campus sa Cebu Technological University (CTU) moabli sa lungsod sa Borbon, amihanan sa lalawigan sa Sugbo.

Si Borbon Mayor Noel Do­tillos niingon sa usa ka pamahayag nga ang bag-ong campus mahimutang sa usa ka gidonar nga duha ka ektarya nga lote sa Barangay Cadaruhan.

Ang proyekto adunay inisyal nga budget nga P85M alang sa Phase 1 sa konstruksyon, diin ang alokasyon sa pondo gipasiugdahan ni Senador Juan Edgardo “Sonny” Angara.

Ang pagtukod giaprobahan pinaagi sa gahum sa Republic Act No. 11751 o ang Act Establishing a CTU Campus sa Munisipyo sa Liloan ug sa Munisipyo sa Borbon, Cebu nga gipirmahan nga balaod niadtong Abril 2022 ni kanhi Presidente Rodrigo Duterte.

Ang RA 11751 gipasiugdahan ni Cebu Fifth District Representative Duke Frasco.

Ang bag-ong kampus gitakdang magdala og kalidad nga edukasyon alang sa mga estu- d­yante ug kabatan-onan sa Borbon ug mga silingang lungsod.

“Ang mga Borbonanon nag­han­dum sa ilang kaugali­ngon nga unibersidad kay kini matu­man tungod sa mga paningka­mot ni Congressman Duke Fras­co,” sumala ni Dotillos sa usa ka pahayag.

“Daghan kaa­yo ang makaa­bo­t niining maong proyekto dili lang ang atong mga kaba­taan, lakip na ang mga edaran nga nangandoy gihapon nga makatungha og kolehiyo,” dugang sa mayor.

Nitambong sa groundbreaking ceremony naidtong Nobiyembre 17, 2023 mao sila si Board Member Mike Villamor, Borbon Vice Mayor Roy Melgo ug municipal councilors, Mayor Aljew Frasco sa Liloan, Cadaruhan Barangay Captain Aquilino Pinote, Engineer Cresyl Canonigo sa DPWH, ug uban pang Municipal, Barangay Officials.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph