Kompirmado na nga dili gihapon makabalik pagduwa si Golden State Warriors superstar Stephen Curry sa ilang pag-asdang sa Minnesota Timberwolves alang sa Game 5 sa Western Conference semi-finals series sa National Basketball Association (NBA) karong Huwebes, Mayo 15, 2025 (PH time).
Kini gumikan kay wala pa naalim ang angol (Grade 1 strained left hamstring) ni Curry nga iyang nasinati sa Game 1 sa series.
“Even if I wanted to be Superman, I couldn’t,” matod ni Curry nga napatik sa AP News.
Ang Warriors kasamtangang naggukod sa series, 1-3. / Gikan sa wires