Curry makaapil na’g training

Gitugtan na si Golden State Warriors superstar Stephen Curry nga makaapil og balik sa team training human gisusi sa mga doktor ang kalambuan sa pagpaalim sa iyang angol sa tiil (right ankle sprain) ning Miyerkules, Marso 13, 2024 (PH time).

Hinuon, gaan pa ang iyang training.

Kon padayong maayo ang progreso sa iyang pagpaalim, gituohan nga makaapil na siya sa praktis sa Warriors karong Sabado nga wala’y limitasyon.

Nasinati ni Curry ang iyang angol sa 4th quarter sa kapildihan sa Warriors batok sa Chicago Bulls niadtong Marso 8, 2024 sa National Basketball Association (NBA). / AP