Gipangulohan ni Golden State Warriors superstar Stephen Curry ang All-Star reserves sa Western Conference alang sa umaabot nga 2023-24 National Basketball Association (NBA) All-Star Game.
Kauban ni Curry isip West reserves mao sila si Devin Booker sa Phoenix Suns, Anthony Davis sa LA Lakers, Minnesota Timberwolves teammates Anthony Edwards ug Karl-Anthony Towns ug Los Angeles Clippers teammates Kawhi Leonard ug Paul George.
Ang East reserves pangulohan nila ni Jaylen Brown sa Boston Celtics ug Donovan Mitchell sa Cleveland Cavaliers.
Ang ubang naa sa East mao sila si New York Knicks teammates Jalen Brunson ug Julius Randle, Miami Heat center Bam Adebayo, Orlando Magic forward Paolo Banchero, ug Philadelphia 76ers guard Tyrese Maxey.
Sa sayo pa, napili nang daan ang All-Star starters.
Sa West mao sila si LeBron James sa Lakers, Kevin Durant sa Suns, Nikola Jokic sa Denver Nuggets, Shai Gilgeous-Alexander sa Oklahoma City Thunder ug Luka Doncic sa Dallas Mavericks).
Samtang sa East mao sila si Giannis Antetokounmpo ug Damian Lillard sa Milwaukee Bucks, Jayson Tatum sa Celtics, Joel Embiid sa 76ers, ug Tyrese Haliburton sa Indiana Pacers (Pacers).
Ang All-Star Game gikatakda karong Pebrero 18, 2024 sa Indianapolis.