Salig gihapon si Stephen Curry sa kapasidad sa Golden State Warriors lineup bisan wa sila makakuha og bag-o nga player sa National Basketball Association (NBA) offseason.
Hilom man tuod ang Warriors sa free agency, ang 4-time NBA champion nga si Curry nipaambit sa iyang pagsalig sa team nga iyang pangulohan kauban ni Jimmy Butler ug Draymond Green sa umaabot nga season.
“My confidence is built on the identity we were able to create over the last third of the regular season last year. The playoff journey. We have a really good team,” sigun ni Curry.
Sa miaging season, ang Golden State adunay 48-34 (win-loss) nga rekord, ug nabutang sa ikapito nga pwesto sa Western Conference, apan nataktak sila sa Minnesota Timberwolves sa conference semifinals.
Ang hamstring injury ni Curry sa ulahing bahin sa playoffs maoy nahimong dakong babag sa Warriors.
Karong tuiga, mas lalom ang kompetisyon sa Western Conference, kay daghang team ang nagpalig-on sa ilang mga roster.
Si Curry mosulod sa iyang ika-17 nga season sa NBA sukad ma-draft sa Warriors isip 7th overall pick tuig 2009.
Lakip sa nakuha ni Curry sa iyang NBA career mao ang upat ka NBA title, duha ka Finals MVP ug 11-time All-Star selection.
Si Curry midaog og titulo sa Warriors tuig 2015, 2017, 2018 ug 2022; ang nahabilin sa maong championship team siya, si Green ug ang head coach nga si Steve Kerr. / RSC