Ubay-ubay ka mga tawo ang nangamatay ug nangaangol dihang usa ka sporets utlity vehicle (SUV) ang nidaro sa tapok sa mga tawo nga ningsalmot sa Pinoy nga kasaulogan nga gitawag og “Lapu Lapu Day Block Party,” sa Vancouver, Canada.
Nahitabo ang insidente niadtong Dominggo, Abril 27, mga ala 1:00 sa hapon (PH time), duol sa East 41st Avenue ug Fraser Street, sumala sa taho sa CBC Canada.
Ang lalaki nga drayber, 30, anaa na sa kustodiya sa kapulisan.
Ang Philippine Consulate General (PCG) sa Vancouver nipadayag og kabalaka ug sempatiya ngadto sa mga biktima sa makalisang nga trahediya.
“As we await more information about the incident, we pray that our community remains strong and resilient imbued with the spirit of bayanihan (cooperation) during this difficult time,” pamahayag sa PCG.
Si Harjit Sajjan, miyembro sa Parliament for Vancouver South, niingon nga ang insidente nakatay-og sa kasingkasing sa kasilinganan.
"As we await more information, our thoughts are with our friends and neighbors in Van South who were celebrating at Lapu Lapu today," matod ni Sajjan sa interbyu sa CBC.
Sa wala pa nagsugod ang kasaulogan, usa ka grupo nga gitawag og Filipino BC, niingon nga dayag na ang racist verbal attacks diin punterya niini ang Black performers nga nakatakdang mopasundayag sa kalihukan.
“These incidents have caused distress and created an atmosphere of harm and exclusion,” pamahayag sa grupo, nga naka-post sa Vancouver City News.
“We state clearly and without hesitation: we condemn these acts of anti-Black racism.”
Ang Lapu Lapu Day party, nga gipahinungod sa bayani gikan sa Sugbo nga nangulo sa paglupig sa puwersa sa Spain nga gipangulohan ni Portuguese explorer Ferdinand Magellan sa 1521 Battle of Mactan, gipahigayon agi’g paghatag og gibug-aton sa pagpakigbisog, matod sa Filipino BC.
“Our vision for this event intentionally includes artists from across communities of color, including Black, queer, trans, and gender-diverse performers whose presence reflects our values of inclusion, solidarity, and joy,” dugang sa Filipino BC. (PNA)