Dalaga gipatay sa iyang kapuyo

Mandaue City map.
Mandaue City map. (Google Maps)

Patay ang usa ka 32 anyos nga dalaga sa dihang gidunggab sa iyang kapuyo nga 35 anyos sa Purok Sili, Brgy. Cambaro, siyudad sa Mandaue, alas 11:30 sa buntag, Dominggo, Di­- s­yem­bre 3, 2023.

Ang biktima giila sa kasaligang tinubdan sa Superbali­ta Cebu nga si Dexame Suico Pepito, 32, dalaga ug taga Purok Sili, Cambaro.

Ang suspek mao si Pejie Bor­ja Remellete, 35, ulitawo ug taga Brgy. Alang-alang, Mandaue.

Sa interview kang Police Maj. Erwin Abrasado, station commander sa Mandaue Police Station 5, nasayran nga ang biktima ug ang suspek nadunggan sa mga silingan nga nag-away sud sa ilang lawak.

Dihang nahilom na, na­kit-an ang suspek nga nigawas nga nagkadugo na ang t-shirt ug kamot.

Matod ni Abrasado, sa dihang gisusi sa mga silingan, nasuta nga ang biktima samdan sa liog ug tuong bukton kay gidunggab sa suspek.

Ang biktima gidala sa tambalanan apan gideklarar nga dead on arrival.

Si Abrasado nagkanayon nga sa hot pursuit operation, ang suspek na­dakpan ala 1:00 na sa hapon sa samang adlaw sa Brgy. A­­lang-alang, Mandaue.

Matod ni Abrasado, sa dihang iyang gipangutana ang suspek kon nganong iyang gidunggab patay ang iyang kapuyo, kini nitubag nga gipakalitan siya og pukaw mao hinungdan nga nadunggaban niya ang biktima.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph