Samdan sa iyang tuo nga bahin sa paa ang 21 anyos nga dalaga human naigo sa saag nga bala niadtong alas 2:40 sa kaadlawon, Miyerkules, Pebrero 19, 2025.
Nasayran nga ang biktima nga si Brigette Ancajas, adunay kapuyo nga si Wilfredo Nadera, hamtong ug nagpuyo sa Sityo Cacao, Barangay Kinasang-an, Cebu City.
Basi sa imbestigasyon sa Inayawan Police Station 7 nga si Ancajas ug Nadera nagkalalis gumikan sa giingong nagduda ang suspek nga aduna nay laing gikabuangan ang biktima, hinungdan nga nagpasalba sa iyang armas nga gipunting ngadto sa sawog.
Apan ang bala nibanda og nitugpa sa paa sa ni Ancajas.
Nangayo og pakitabang ang biktima sa ilang barangay nga mao nay nitawag og nidala sa Cebu City Medical Center samtang ang suspek daling niikyas ug wala na maabti sa mga polis. / DVG