Dalaga nakuhaan og P6.9M balor sa shabu

Dalaga nakuhaan og P6.9M balor sa shabu
DINAKPAN: Ang dalaga nga nasikop atol sa buy-bust sa dan M. Logarta, Barangay Subangdaku, siyudad sa Mandaue, alas 10:30 sa gabii, Miyerkules, Hunyo 19, 2024. / TAMPO

Usa ka dalaga nga dunay kapuyo ug giilang high value Individual (HVI) nasikop sa buy-bust sa dan M. Logarta , Barangay Subangdaku, siyudad sa Mandaue, alas 10:30 sa gabii sa Miyerkules, Hunyo 19, 2024.

Ang suspek giila nga si Lolita Parba Labajo, alyas Lolit, 46, taga Kimba, Brgy. San Roque, Siyudad sa Talisay.

Nasikop ang suspek sa joint operations sa City Intelligence Unit ug Regional Intelligence Unit 7 ug Philippine Drug Enforcement Agency (PDEA 7).

Atol sa buy-bust, nasakmitan og 1.025 kilos nga gituohang shabu nga may standard drug price (SDP) nga moabot ngadto sa P6,970,000.

Ang suspek gibalhog na sa selda sa kapulisan ug gikatakda nga pasakaan og tukmang kaso. / DVG

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph