Daluz, mga kauban ‘pabiling’ moserbisyo

CEBU. Metropolitan Cebu Water District chairman (MCWD) Jose Daluz III.
CEBU. Metropolitan Cebu Water District chairman (MCWD) Jose Daluz III.Photo by Arkeen Larisma

Subling nipadayag sila si Metropolitan Cebu Water District chairman (MCWD) Jose Daluz III, vice chairman Miguelito Pato, ug Secretary Jodelyn May Seno nga mopadayon sa ilang trabaho isip Board of Directors (BOD) sa MCWD.

Mao kini ang ilang hiniusang pamahayag atol sa press conference sa PDG Law Office, 2nd Floor, Left Wing, BYS Complex, 11th Ave. North Reclamation Area, dakbayan sa Sugbo sa Miyerkules, Marso 20, 2024.

Si Daluz niingon nga iyang gibakwi ang unang pamahayag nga mosunod sa Local Water Utilities Administration (LWUA) sa interbensyon sa ahensiya.

Lakip sa nitambong sa press conference mao sila si Seno ug MCWD General Manager Edgar Donoso.

Si Daluz niingon nga mobarog siya kauban sa management ug mga empleyado sa MCWD sa pagsagop sa status quo stance samtang naghulat sa resolusyon sa legalidad nga isyo kalabot sa pagkuha sa LWUA.

Gawas sa pagbarog uban sa management ug mga empleyado, si Daluz ug ang laing duha ka mga miyembro ningkuwestiyon sa legalidad sa pag-interbiner sa LWUA.

Ang pagsagop sa status quo stance ug ang pasalig sa BOD pormal na sa usa ka resolusyon nga gipasar atol sa usa ka special board meeting sa Huwebes.

Ang BOD pinangulohan ni Daluz nipahigayon sa ilang tigom sa PDG Law Office aron dili masamok ang bisan unsang hingtungdan nga lawas kalabot sa isyo.

Si Daluz niingon nga adunay mga polis gawas sa MCWD premises niadtong Huwebes, kinsa kanunay nangutana kon anaa ba siya sa iyang opisina.

Sa laing bahin, gibutyag ni Donoso nga niadtong Miyerkules, Marso 19, 2024, ang gitudlo nga LWUA board mianha sa buhatan sa MCWD ug nangayo og pipila ka mga dokumento, apan wala ibutyag kon unsa nga mga dokumento.

Matod ni Donoso nga ilang gipakita kanila ang pipila ka mga dokumento, apan wala sila hatagi og mga kopya.

Matod pa ni Donoso nga atol sa iyang pakigtagbo sa gitudlo nga LWUA board of directors pinaagi sa Zoom, iyang gipadayag ngadto kanila ang iyang suporta sa kampo ni Daluz. / AML

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph