Modaog o dili, gituohan nga moretiro na si American Terence Crawford human sa iyang pagpakig-away ni Mexican Saul Canelo Alvarez karong Septiyembre 13, 2025 sa Allegiant Stadium sa Las vegas, USA.
Mao kini ang gibutyag ni Saudi Arabian advisor Turki Alalshikh, kinsa maoy responsible sa paghan-ay sa gikahinamang away nila ni Crawford ug Alvarez.
“Crawford, in the beginning, he came to me in London. He said, ‘This is the retirement fight,” matod ni Alalshikh nga napatik sa www.boxingscene.com.
Kon buot hunahunaon, dili na angayang ikasurpresa ang gibutyag ni Alalshikh tungod kay kaniadto pa lang, nisulti nang daan si Crawford pipila na lang ka mga away ang iyang sagubangon.
Si Crawford, kinsa mag-edad na'g 38 karong Septiyembre, naggunit og 41-0, 31KOs nga rekord. / ESL