NANAWAGAN si outgoing Cebu Vice Governor Hilario Davide III nga suportahan ug makigtambayayong ang sakop sa Sangguniang Panlalawigan ni Cebu Governor-elect Pamela Baricua-tro alang sa hapsay nga pagpadayon sa mga serbisyo sa Lala-wigan sa Sugbo.
“To the honorable members of the 17th Sangguniang Panlalawigan, I ask that you give, you reach out and give the support and cooperation to the incoming governor,” matod ni Davide sa Hunyo 23, 2025.
Kini maoy uwahing mga hangyo ni Davide sa incumbent ug umaabot nga mga bokal nga molingkod sa ika-17 nga Sangguniang Panlalawigan nga magsugod sa Hunyo 30, 2025.
Ang 16th Sangguniang Panlalawigan nitapos sa uwahing regular session sa Social Hall sa kapitolyo nga gitambungan sab sa mga bag-ong miyembro nga madugang sa hunta.
Si Davide nga nakaserbisyo og 12 ka tuig sa Lalawigan sa Sugbo nibahin sa labing importante ug mahinungdanon nga batasan sa pagkamatinud-anon, pagsunod sa balaod, ug labaw sa tanan ang pagsiguro nga mauna ang panginahanglanon sa mga Sugboanon.
Sa maong pamahayag, lakip sa iyang gipasalamatan si outgoing Cebu Governor Gwendolyn Garcia nga angayan kapanaminan sa bag-ong miyembro sa Hunta Probinsyal nga bisan sa managlahi nga Partido naghiusa alang sa serbisyo niini sa lalawigan. / ANV