Nipakita sa iyang kabangis sa ilawom si Anthony Davis human siya nipakatap og 23 puntos ug 19 ka rebounds sa 101-94 nga kadaugan batok sa Philadelphia 76ers sa National Basketball Association (NBA) sa Sabado, Marso 23, 2024 (RP time) sa Los Angeles, USA.
Ang beterano nga si LeBron James nitunol og 20 og puntos, walo ka rebounds ug unom ka assists aron maputol ang seven-game losing streak sa ilang matchups sa Sixers.
Uwahing nga napilde sa Lakers ang 76ers niadto pang Marso 3, 2020. Gigamit sa Lakers ang kainit sa fourth quarter. Si James nibuhat og 11 puntos ug si Davis nipuno og siyam ka puntos sa uwahing hugna.
Nabuak ni D’Angelo Russell ang Lakers record sa 3-pointers sa single season nga kanhi gigunitan ni Nick Van Exel sa 1994-95 season.
Napasulod ni Russell ang ika-184 nga tres tunga-tunga nga bahin sa first quarter. Gitapos ni Russell ang duwa nga adunay 14 puntos ug upat ka tres.
Si Trey Maxey nakabuhat og 27 puntos, samtang si Kelly Oubre Jr. nidunol og 19 puntos ug si Tobias Harris nitampo og 16 puntos ug 13 ka rebounds sa Sixers. (RSC)