Nitiglom og samot ang paglaum sa Dallas Mavericks sa 2024-25 National Basketball Association (NBA) human nakasinati og season-ending injury ang ilang pambatong pointguard nga si Kyrie Irving.
Ang pagkawagtang ni Irving nakadugang sa kalbaryo sa Mavericks nga ningkumbati sa niaging unom ka mga semana nga wala ang bag-o nilang nakuhang pambatong big man nga si Anthony Davis.
Si Davis padayong naningkamot kabahin sa iyang pagpaalim ug hapit na siya makabalik pagduwa.
Ang Mavericks kasamtangang naa sa ika-11 sa Western Conference dala ang 34-37 nga rekord./ Gikan sa AP