GIANGKON ni Manny Pacquiao nga interesado siya sa pakig-away batok ni American Gervonta “Tank” Davis apan kinahanglan una niyang sagubangon ang kababayan ni Davis nga si Mario Barrios karong Hulyo 19, 2025 (PH time), sa MGM Grand garden Arena sa Las Vegas, USA.
Gipasabot ni Pacquiao nga kon mailog niya ang World Boxing Council (WBC) welterweight title gikan ni Barrios, andam siyang hatagan og labing unang kahigayunan si Davis nga makapanuktok alang ning maong titulo.
Ang World Boxing News maoy unang nakapakatap ning maong taho human gibutyag sa adviser ni Pacquiao nga si Sean Gibbons nga kabahin ang maong away sa comeback plan ni Pacquiao.
“It took a roundabout way, but we got here. We would have liked Conor Benn and would have liked Gervonta Davis, but Manny Pacquiao had one thing in mind (to win a world title),” matod ni Gibbons sa interbyu sa WBN.
“He started with the WBC world title, which was his first belt (WBC flyweight). This will be an amazing full-circle moment to win another WBC belt, and it won’t be his last.’
Sa usa ka press conference, gitataw ni Pacquiao nga interesado siyang makig-away ni Davis sa umaabot apan nagtutok pa siya sa pagkakaron ni Barrios, kinsa dakog labaw kaniya sa gitas-on.
“I like that (fighting Tank), but let’s finish this one first. This one (Barrios) is taller and a champion, so I have a lot of things to do in training camp,” asoy ni Pacquiao sa interbyu sa Fight Hub TV.
“Barrios is the kind of fighter who gives people good fights. Me and him together in the ring will satisfy the fans. That’s what I want.”
Matod ni Pacquiao nga mahinungdanon alang kaniya nga makalabni siya og world title taliwala sa iyang pangidaron nga 46.
“My goal is to leave a legacy for the boxing fans. I want to inspire the young generation who dream of becoming champions,” batbat ni Pacquiao.
Kon buot hunahunaon, nakaugbok na og legasiya si Pacquiao, kinsa ipahiluna sa International Boxing Hall of Fame karong weekend.
Ang pagpilde ni Barrios magsilbe na lang dugang dekorasyon sa malampuson ug mabungahon niyang boxing career. / ESL