Pipila ba ka artikulo, nga diin mahimong bahinon ang Kredo sa mga Apostoles? – Ang Kredo sa mga Apostoles mahimong bahinon ngadto sa napulong-duha ka mga artikulo.
1. Ang tanang mga artikulo absolutong gikinahanglan sa pagtuo: bisan kon usa ka artikulo ang wagtangon o usbon, maguba ang pagtuo.
Usa ka simbolo ang pagbahin sa Kredo sa mga Apostoles ngadto sa napulog-duha ka mga artikulo, tungod kay napulog duha man usab ka buok ang mga Apostoles; busa, gipahinumdoman kita nga ang Kredo nahiabot kanato ug ginatudlo sa mga Apostoles sa atong Ginoo.
2. Ang mosunod mao ang mga artikulo: (1) Nagatuo ako sa Diyos, ang Labing Makagagahom nga Amahan, Magbubuhat sa langit ug sa yuta; (2) Ug kang Hesu-Kristo, ang Iyang bugtong Anak, Atong Ginoo; (3) Kinsa gipanamkon pinaagi sa Espiritu Santo, gianak ni Birhen Maria; (4) Nag-antos ubos ni Ponso Pilato, gilansang sa krus, namatay, ug gilubong. (5) Mikanaog siya ngadto sa mga nangamatay; sa ikatulong adlaw nabanhaw siya gikan sa mga minatay; (6) Misaka siya sa Langit, nagalingkod sa tuo sa Amahan, ang Labing Makagagahom nga Amahan; (7) Ug moanhi siya aron paghukom sa mga buhi ug mga minatay. (8) Nagatuo ako sa Espiritu Santo; (9) Sa Santos Katoliko nga Simbahan; sa kaambitan sa mga santos; (10) Sa kapasayloan sa mga sala; (11) Sa kabanhawan sa lawas; (12) Ug sa kinabuhing dayon. Amen.
(Sumpayan pa)
