Deca-1 40-Up Association sa Tungkil pormal nga natukod
Aron paghatag og kahigayonan sa pagpabaskog sa kalawasan, ang mga homeowners association sa Deca Homes Phase 1, Tungkil, Minglanilla ang hingpit nang nakaporma og 40-up basketball team.
Gitawag og Deca P1 40, ang association gipangulohan ni Vidal G. Auxilo kinsa maoy nagsilbing President; Teodoro Santiago, vice president; Ricardo Baldenas, treasurer; Jovan Lovino, secretary; ug Berns Lumapguid, secretary.
Kapin sa 40 ka mga residente nga nagpangidaron og 40 pataas ang nagpasakop sa maong asosasyon nga eksklusibong langkuban sa taga Phase 1 lamang.
Pipila ka adlaw human maporma, ang Deca P1 40-up mipahigayon gilayon sa ilang inaugural exhibition game nga maoy usa sa mga kalihukan alang sa naghinangat nga kapistahan sa kumonidad.
Ang White Jersey maoy midaog batok sa Black sa giingon special match.
Ang mga sakop sa nahisgutang asosasyon mopahigayon og ensayo matag Miyerkules ug Sabado. / JBM, PR