Usa ka van nga nag-deliver og sliced bread ang natumba sa national highway sa Brgy. Santa Cruz, lungsod sa Ronda, alas 11 sa buntag, Biyernes, Marso 8, 2024.
Mao kini ang gisaysay sa Superbalita Cebu ni Jing Jurado-Morales, nag-post sa video sa social media kinsa nakasaksi sa hitabo. Matod niya, ang mga tawo sa maong dapit ug ang mga motorista nga nahiagi sa dapit mao ang daling nitabag sa pagbarog sa delivery van.
Sa pakisusi sa Superbalita Cebu sa Ronda Municipal Police Station, ang imbestigador nga si Police Master Sgt. Arnold Ator nga usa kini ka self accident.
Gimaneho kini ni Glenn Soriño Pedro, 3 , ulitawo ug taga Tulay, lungsod sa Minglanilla ug kauban niya si Gerald Alsola, 31, minyo ug taga Villa Angela , Cagayan De Oro City, kinsa angol sa aksidente.
Matod ni Ator, ang van maghatod og pan sa lungsod sa Oslob ug dunay gilihayan nga motorsiklo nga kalit ni-cross sa maong dapit ug wa makontrolar sa nobela hinungdan nga nisarasay ug natumba. / DVG