Demecillo mosagubang og malisod nga tahas

Fighting cop wins VisProBA featherweight belt
SunStar Boxing

Mosagubang og laing malisod nga tahas si Carlo Demecillo sa iyang pagpakigbatok sa kanhi world title challenger nga si Jayson Mama alang sa inilugay sa bakanteng World Boxing Foundation (WBF) International super flyweight belt karong Hulyo 11, 2024, sa Sunken Arena sa Malungon, Sarangani Province.

Ning awaya, nagtinguha si Demecillo nga makabawi gikan sa dili maayo niyang kampanya diin nasugamak siya sa duha ka mga pilde batok sa pareho’ng Japanese boxers.

Nalupig si Demecillo batok kang Jun Ikegawa pinaagi sa sikit nga split decision sa Parañaque City unya nasundan kini og laing pilde batok kang Kaito Yamasaki pinaagi sa technical decision sa Japan.

Hinuon natuldokan ni Demecillo ang iyang kampanya sa 2023 pinaagi sa 4th round stoppage batok kang Justine Darap sa ilang inilugay sa Philippines Boxing Federation (PBF) bantamweight crown sa Tacloban City.

Sa iyang bahin, si Mama gikan sa tulo ka sunodsunod nga kadaugan.

Si Demecillo, kinsa sakop sa Big Yellow Boxing Gym sa Cebu, adunay 17-8-2, 10KOs nga rekord, samtang si Mama adunay 19-1, 10KOs nga baraha. / EKA

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph