Nagpadayag sa ilang pagsupak ang mga nagpakabana nga mga residente ug ang kagamhanan sa Dakbayan sa Catbalogan, Samar nunot sa giingong dili awtorisadong construction activities sa Pieta Park sa siyudad, usa ka registered cultural property ubos sa National Commission for Culture and the Arts (NCCA) ug gideklarar sa kagamnahan nga open space.
Ang 30 anyos nga landmark atubangan sa St. Bartholomew Church nagsilbing memorial park sa mga nangamatay atol sa pagkalunod sa MV Doña Paz niadtong tuig 1987.
“Upon receiving reports that the area had already been fenced, with heavy equipment deployed and initial mobilization underway, the City, through the City Engineering Office—also acting as the Office of the Building Official tasked to enforce the National Building Code—immediately issued a Notice of Violation dated April 3, 2025,” matud ni Catbalogan City Mayor Dexter Uy sa iyang Facebook post sa Sabado, Abril 5, 2025.
Bisan pa sa abiso sa kagamhanan sa dakbayan, nagpadayon gihapon ang demolition activities sa dapit niadtong buntag sa Abril 5, dugang sa mayor.
Sumala sa nagkalain-laing taho gikan sa media, usa ka sikat nga fast-food chain ang tukoron sa lugar.
Si Samar State University Professor Jhonil Bajado, co-chair sa Catbalogan Culture and Arts Council, miingon nga ang La Pieta, nga nagpasiugda sa sikat nga obra maestra ni Michelangelo nga nagrepresentar ni Maria nga nagdala sa patay nga lawas ni Jesus human kini gikuha gikan sa krus, gipondohan sa Katbaloganon Foundation, Inc. (KFI).
Ang eskultura, giingon nga usa ka kopya sa La Pieta nga gipalit gikan sa Italya ug gibuksan kaniadtong Agosto 22, 1995, mao ang una nga proyekto sa KFI ubos sa pagpangulo sa aktres nga Catbaloganon nga si Tessie Pullin, nga nailhan nga Tessie Tomas.
“I abhor this deliberate disregard of Catbalogan’s heritage and historical sites… While the Catholic Church claims to own that portion of the site, this was originally considered as a public plaza for the Catbaloganons. In fact, during the Spanish period, this area was even used as a cemetery plot for prominent people of Catbalogan,” matud ni Bajado sa iyang social media post.
“Although the ownership belongs to the diocese, what a shame that we readily give up something that has not only historical value but also defines our ethos as a people! In exchange of what?!,” dugang niya.
Sa laing bahin, gibutyag ni Uy nga “sa usa ka tawag sa telepono sa tag-iya sa propiedad, kini niangkon sa iyang kahibalo sa kakuwang sa mga permit ug miangkon nga mimando sa demolisyon, lakip na ang pagpamutol sa mga kahoy nga walay tukmang permit.”
“He committed to submit the necessary documents for permitting by Monday. Following this exchange, the foreman again committed to stop all ongoing work,” matud sa mayor sa iyang public statement.
Sa oras niining pagsuwat, wala pa moluwat og pamahayag ang Roman Catholic Diocese of Calbayog, nga adunay civil territorial jurisdiction sa probinsya sa Samar, kalabot sa insidente. / Ronald O. Reyes/SunStar Philippines