Dengue sa nasod misaka human sa sunodsunod nga uwan, bagyo

Nakatala ang Department of Health (DOH) niadtong Sabado, Agusto 16 og pagsaka sa kaso sa dengue lukop nasod nunot sa sunodsunod nga mga bagyo ug uwan nga miigo sa nasod niadtong Hulyo.

Ang datos nga gipagawas sa DOH nagpakita nga 15,091 ka mga kaso sa dengue ang natala sa tibuok nasod gikan Hulyo 13 hangtod Hulyo 26.

“Dengue cases are seven percent higher compared to the recorded cases from June 29 to July 12, which reached 14,131,” matod sa DOH.

Niadtong Hulyo, ang pagbunok sa uwan nakamugna og grabeng pagbaha tungod sa mga bagyong “Crising,” “Dante,” ug “Emong,” ingon man ang habagat, nga mihapak usab nagkadaiyang rehiyon.

Ang dengue usa ka viral infection nga mikaylap sa mga tawo pinaagi sa pinaakan sa lamok.

Tungod sa maayo nga kahimtang sa panahon sa nakalabay nga mga semana, ang departamento sa kahimsog nag-awhag sa publiko nga pahimuslan ang ting-init aron limpyohan ang mga lugar diin ang tubig mahimong matipon o magpundo.

Kini naglakip sa mga kanal, barado nga mga kanal, ug mga imburnal, nga maoy mga dapit nga puy-an ug itlogan sa mga lamok nga Aedes aegypti.

“Clean, drain, dry, and cover water containers that are also home to the said mosquito,” matod sa DOH. / Anton Banal / SunStar Philippines