Nanghinaot ang Department of Education (DepEd) Mandaue City Division nga hatagan og prayoridad sa umaabot nga administrasyon ang pagdugang og 500 ka classrooms aron pagseguro nga ang tanang tinun-an makaeskuyla tibuok adlaw.
Si DepEd Mandaue City Schools Division Superintendent Dr. Bianito Dagatan atol sa interview sa Huwebes, Mayo 29, 2025, nagkanayon nga kadaghanan sa 49 nila ka public schools nag-double-shift system nga dunay mga estudyante moeskuyla sa buntag ug sa hapunon nga klase tungod sa kakuwang sa classrooms.
Kining maong sistema gitan-aw nga nakaapekto sa kalidad sa edukasyon, limitado ang oras sa pagkat-on, setup affects the quality of education, limits learning time, ug nakadugang sa kapit-os sa mga magtutudlo ug sa mga pasilidad.
“Honestly speaking, the local government units have money to build classrooms. The question is where to build them. For example, Paknaan Elementary School is highly congested because that barangay has the biggest population, but there’s no available land for construction. That’s why we will ask the City for help,” matod ni Dagatan .
Matod ni Dagatan nga kon mahatag lang unta ang tukma nga gidaghanon sa mga classroom, ang mga eskuylahan makapatuman og whole day nga klase ug matudloan ang mga tinun-an sa taas nga oras ug nindot nga learning environment.
“We estimate that we need around 500 additional classrooms to fully address the demand. This would help us eliminate the current shifting system in many schools,” matod ni Dagatan.
Apan nakita nga babag mao ang luna katukoran sa mga classroom.
Matod ni Dagatan nga tungod kay ang status sa Mandaue, highly urbanized city ang kantidad sa yuta mao ang mahimong dakong babag.
“It’s not just the construction of buildings that’s the issue. It’s really the lack of available, affordable land. Properties in the city are expensive, and space is limited,” iyang gidugang.
Sa iyang bahin si Mayor-elect Thadeo “Jonkie” Ouano, nipadangat og mensahe sa SunStar Cebu ug niingon nga wala pa siya makalingkod sa bag-o niyang posisyon ug dumalaon pa ang transition.
Naglibog siya ngano nga wala kini maatiman kaniadto sa Local School Board nga ang nangulo mao man ang mayor nga naglakip sa DepEd superintendent isip miyembro.
Gitumbok niya nga ang siyudad dunay igong pundo nga gigahin alang sa edukasyon pinaagi sa Special Education Fund (SEF) nga sa iyang nasayran moabot og sobra sa P400 milyunes sa 2024 ug P700 milyunes sa 2025.
Iyang gidugang nga susihon ang actual records.
“I will look into its use and see what should be prioritized,” matod ni Ouano.
Bisan sa hagit sa kakuwang sa luna nga katukoran sa mga classroom ug nagsaka nga enrollment sa mga tinun-an, si Dagatan malaumon nga ang umaabot nga administrasyon pabilin nga mosuporta o mas labwan pa ang pagtabang sa public education.
Dunay sobra sa 65,000 ka mga estudyante ang na-enroll sa public schools sa dakbayan. / CAV